Interview With Jume Deen Khan From – SupportMeIndia.Com

Hello dear readers, Aaj ek bar firse is blog par mai ek new Interview article aapke sath share karne ja raha hu, or ye interview aise hindi blogger ke sath me hai, jise , kisi introduction ki jarurat nhi, Kyuki Hindi blogosphere ki dunia me ye ek bahot  achha mukaam hasil kar chuke hai, Mai bat kr raha hu, Jume Deen Khan ki jo ki SupportMeIndia.Com founder hai.

interview-with-jumedeen_khan_from_supportmeindia-com

inhone bahot hi kam samaye me ek achhi uplabhdhhi haasil kar li hai. aapko ye bat jaanke Hairani hogi, ke inke blog ko abhi 1 saal bhi pura nhi hua or inke blog ki Alexa rank 40,000 se bhi km hai. to start krte hai aaj ka interview,

Interview With Jume Deen Khan, Founder of SupportMeIndia.Com


Qus#1 Hello, jume Deen First of All aapka swagat hai, Mere Blog par , Sabse pehle Hame apne or apne blog ke bare me kuchh bataye ?

Hello deepak,

  Sabse pahle mai aapko is interview ke liye dhanyawad kahna chahunga. Mera name Jume deen khan hai or mai ek hindi blogger hu. Mai hindi, english or hinglish 3no languages me blogging karta hu but mera main target hinglish blog supportmeindia.com hai.

Qus#2 Har kisi ki blogging start karne ki koi na koi na special reason hota hai, aapka blogging start karne ka kya reason tha ?
Mujhe logo ke liye likhna pasand hai, jaruratmando ki help karna pasand hai or abhi mai yahi kar raha hu. mai aysa isiliye karta hu kyuki aysa karna mujhe achha lagta hai or isse mere dil ko shukoon milta hai. I mean yahi mera blogging start karne ka reason hai.

Qus#3 Internet aur blogging , Ye aapki life me kb aaye aur aapko blogging ke bare me sabse pehle kaise pata chala aur aapne blogging kb aur kaise shuru ki ?
 Maine blogging 17 july 2015 ko shuru ki thi mujhe iske bare me tab pata chala jab mai internet par apne ek dost ke liye kuch searching kar raha tha.

Qus#4 aapki Blogging me aaye sabse achhe aur bekar moments konse the ?
 Blogging me success hona aasan nahi hai. Halanki mujhe isme kabhi nirasha nahi mili par jab kuch log humare bare me galat bate karte hai to dil udas ho jata hai. Khushi ki bat kya karu, blogging se mujhe paisa pyar, shohrat, izzat or logo ki duaye mili. Jo ki apni jindagi me har inshan pana chahata hai.

Qus#5 Supportmeindia ko abhi 1 saal bhi nhi hua, or Iski Alexa rank 38,708 Globally hai, to iske peechhe kya secret hai, Please hamare sath share kare ?
 Mujhe nahi pata mere reader mujhe kyu pasand karte hai par mujhme kuch aysa to jarur hai jo aaj mai is mukaam par hu. Mai nahi manta ki mai success hu kyuki abhi mujhe bahut kuch karna hai. Ha kuch log hai jo mujhe kamyab kahte hai. Is bare me mujhse jyada mere wo reader bta sakte hai jinki badolat mujhe ye safalta mili hai. Ha mai sirf itna kahunga ki mai sirf apne readers ke liye likhta hu.
 
Qus#6 Aapki life Blogging se pehle kya thi aur aaj blogging ke dauran kaisi , Aapki life me kya change aaya Blogging se ?
Blogging se pahle main ek student tha. But jab se blogging me kadam rakha kamyabi ka har rasta khulta gaya. Uparwale ne mujhe kabhi nirash nahi kiya. Ab ye meri mehanat ka fal hai ya meri taqdeer ka tohfa.
Qus#7 Supportmeindia ke promotion ke aur traffic laane ke liye aap, SEO AUR SMO ko kaise istemal karte hai ?
Mai SEO ke bare me likhta jarur hu par wo sirf mai apne reader ke liye likhta hu. Actually, mai SEO se pahle apne reader ki pasand ko care karta hu uske bad SEO and other factors istemal karta hu. Mai aap sabhi se yahi kahna chaunga.
Qus#8 Alexa rank ko improve karne ke tips kuch bataye , jo aap apne blogging life me use karte hai ?
 Alexa rank itni important nahi hai but ek tarah se dekha jaye to ye bahut important hai kyuki visitors isse tulna kar blogs ko pasand karte hai. Alexa rank ke liye aap regular post karna, fresh content likhna, blog ko fast loading banana or backlinks badhane jaisi tricks istemal kar sakte ho. Iske bare me maine blog par kei article likhe hai.

Qus#9 Blogging Bhartiye samaj me abhi bhi ek Unjana (Unknown) Career hai, jbki isme bahot se log apna carreer bna chuke haijisme se aap khud ek safal blogger hai, to aapki life me blogging ko lekar aapki society, family aur friends inka kya najariya tha?

Aapne sahi kaha humari society me abhi bhi blogging ko sahi nahi mana jata or log isse darte hai kahi hacking jaisi problem se unki life barbad na ho jaye. But mai aap sabhi se kahna chahunga ki agar aap imandari se sachai se kaam karoge to fir chahe wo koi bhi kaam ho aapke sath koi bura nahi karega. I mean mai ek indian person hu or allah par wishwas karta hu . Agar mai sahi hu to wo mera koi nukshan nahi hone denge.
Qus#10 Abhi Aap supportmeindia par kon-kon se monitization methods se Earning kar rahe hai ?
 
Google adsense, affiliate marketing and some other services. Meri pasand adsense hi hai jisne muhe jarurat se jyada pay kiya hai.

Qus#11 Newbie’s ko aksar Traffic aur AdSense se low income ki pareshaniya hoti hai, unke liye aise tips bataye jinse, we traffic badhane ke sath-sath apni income bhi badha sake?

loading...
 Aaj internet par lakho hindi or english blogs or websites available hai. Jin par Google AdSense, Blogging, Traffic ke bare me article publish hote hai or lagbhag 70% sites par commenting featue available hai. Fir hume ye problem kyu, nahi honi chahiye par hoti hai. Iska main reason hai new blogger other blogger se is bare me puchte jarur hai but unke btaye tarike follow nahi karte.
Sirf mai hi nahi koi bhi agar ek dusre ke piche bhagta rahega to kuch nahi kar payega. So mera kahna yahi hai ki kisi se koi help mango to us par amal karo. Blog se achhi earning karne ka sirf or sirf ek hi tarika hai aapke blog par bahut jyada traffic ka hona or traffic kamane ke sirf do tarike hai ek badiya content likho or uska sahi jagah par Promotion karo.
Qus#12 Blogging journey  me, aapse konsi sabse badi galti hui, or wo kya thi ?
Mujhse blogging me koi galti nahi huyi. Ha ek bar maine apne ek senior ka dil dukhaya tha jo ki ek bahut hi ache inshan hai but uske bare me mujhe bad me pata chala. Aaj mai uski bahut izzat karta hu.
Qus#13 Abhi Aap Apni Daily Life Me Blogging ko kitna samaye dete hai ?
Mai ek full time blogger hu and multiple blog handle karta hu. Aaj mere pas online itne kaam hai ki agar mai 24 hours bhi kaam karu to time kam hi hoga. But mai 9am to 10pm tak work karta hu and kabhi kabhi over time bhi karna padta hai.
Qus#14 Aap Supportmeindia par traffic badhane ke  liye kya-kya karte hai ?
Sirf ek hi formula use karta hu. Mai sirf apne readers ke liye likhta hu. Yaha mai aapse ek bat kahna chahunga, kuch log kahte hai ki aap blog par content likhne ke idea kaha se banate ho, mujhe article kis topic par likhna hai iski jarurat hi nahi padi. Daily reader itne idea bta dete hai ki agar mai daily 50-100 post likhu to bhi kam hi hongi.
Qus#15 Aapka koi Favorite blog ? Jis par aap har 2 din me visit karte ho ?
Mera koi favorite blog nahi hai but blogging me 2 logo ko mai sabse jyada pasand karta hu. Ek Harsh Agrawal or dusre Rohit Mewada. Harsh ji ne mujhse ek din ek aysa raj btaya tha jisse mujhe har kaam me kamyabi mili or rohit ji se mujhe ek sikh milti hai ki kabhi kisi se nafrat mat karo. Ye duniya ke liye kya hai mai nahi janta par mere liye farishto ki tarah hai. I mean mai unki dil se izzat karta hu.
Qus#16 Aap apni life me, kise apna Idol maanta hai , aur blogging me apko kisse inspirational milti hai ?
Jab mai school me padhta tha to har class me teachers mujhe sabse jyada pasand karte the. Ek bar meri ek teacher se class me math ka ek sawal nahi hua to mujhe acha nahi laga maine rest me wo sawal solve kar teacher ko dikhaya to unhone mujhe ek bad kahi “Bete tu kabhi kisi kaam me nahi harega” mujhe jo bhi mila sabhi ne achi bate hi sikhayi par mai apni life me sabse bada ideal apne father ko manta hu jo kahte hai ki koi bhi kaam karo magar imaandari se karo.

Qus#17 Successful blogger, banne ke liye aap newbie’s ko kya advice dena chahenge ?

 
Mai new blogger se kahna chahunga ki koi bhi kaam karne se pehle uska target banao. Pahle tay karo ki aapke liye kounsa rasta badiya hai jo aapko manzil tak pahucha sake.Internet ek samundar ki tarah hai jo isme doob gaya goom ho jata hai. Isse bacho or sirf apne kaam kpar focus karo.
Kamyab hone ka sabse aasan tarika hai time par work karna or khud par bharosha karna. Aap ek newbie ho, aapke blog par traffic ka nahi hona ye sabse bada karan hai. Koi bhi reader newbie blogger ki post padhna pasand nahi karta. So sabse pahle apne blog ka design complete karo uske bad articles likho or jab aapko kamyabi milne lage uske bad Income ke bare me socho. Agar ye nahi kar sakte to Blogging me kamyabi milni bahut mushkil hai. Ye advice sirf 4 lines me hai padh kar aysa hi lagega. Follow karoge to mahine lag jayenge.
to friends kaisa raha interview jarur bataye ,or mai jarur keh skta hu ke aapko jarur kuchh na kuchh Seekhne ko mila hoga..is interview se….

Deepak Shrivastav

Deepak Shrivastav Is the Founder Of ANKK. He loves to share his knowledge and experience about Blogging,SEO and Make Money Online on his Blog in Hinglish language.

32 thoughts on “Interview With Jume Deen Khan From – SupportMeIndia.Com

Leave a Reply

Your email address will not be published. Required fields are marked *